Joan den asteburuan Pirinioak zeharkatzen dituen galtzada erromatarrean aurkitzen diren aztarnategi arkeologikoan auzolana eta bisita gidatua antolatu ziren.

2011. urtez geroztik, Aranzadi Zientzia Elkarteak eta MOLAk (Museum of London Archaeology) hainbat indusketa arkeologiko egiten dihardute zonaldean, Luzaide, Orreaga, Auritz, Erroibar, Aurtitzberri, Artzibar, Agoitz eta Ekai udalerrien kolaborazio estuarekin. Lan hauen berri eta partaide izatearren, bertako bizilagun zein Aranzadiko bazkideei auzolan proposamena luzatu nahi da, galtzada txukuntzeko batik bat, tartean Aranzadiko ikerlarien azalpenak jasotzeko aukera eskaintzen delarik. Gainera, aurtengo kanpainan burutu diren zundaketak ikusteko aukera izan zuten bisitariek.

Alvaro Martinezen argazkiak dira hurrengoak: